Zaidi ya Mpira, Huduma za Afya Bure Zilizobadilisha Maisha

Alexia Super Cup 2026: Shangwe na Matibabu

Kwenye Alexia Super Cup, mpira ulikuwa nusu tu ya hadithi. Nusu nyingine ilikuwa afya. Kila mechi ilipochezwa, madaktari wa Hospitali ya Alexia walikuwa pembeni wakiwahudumia wananchi bila malipo. Hiyo ndiyo maana ya “Shangwe na Matibabu”: huku mpira, huku afya, huku burudani.

Kambi ya kwanza: Agosti 1, 2026

Mganga Mfawidhi wa Hospitali ya Alexia na Mratibu wa Kambi ya Matibabu, Dkt. Seif Salum, alieleza kuwa huduma zingetolewa katika Viwanja vya Masuliza kuanzia saa 2:00 asubuhi hadi saa 12:00 jioni. Huduma zilizotolewa:

Upimaji wa homa ya ini
Upimaji wa sukari
Upimaji wa shinikizo la damu
Upimaji wa VVU
Upimaji wa malaria
Uchunguzi na matibabu ya afya ya kinywa na meno
Uchunguzi wa macho

Kulikuwa pia na zoezi la uchangiaji damu, lililolenga kusaidia kuokoa maisha ya kina mama, watoto na wagonjwa wengine wanaohitaji damu.

Mratibu Anna Richard Msumule aliwaalika wakazi wa Toangoma, Mandege, Kisemvule, Vikindu, Kongowe, Vijibweni na maeneo mengine ya Dar es Salaam kujitokeza kwa wingi, akiahidi kuwa msimu huu ungekuwa bora kuliko iliyopita.

Huduma ziliendelea kila mechi

Katika hatua zote, kuanzia robo fainali hadi nusu fainali, Hospitali ya Alexia iliendelea kutoa huduma za matibabu bure wakati wa mechi. Mashabiki walipata nafasi ya kupima afya zao huku wakifurahia mpira.

Kambi kubwa ya fainali: Septemba 12, 2026

Siku ya fainali, Hospitali ya Alexia na Hubert Kairuki Hospital zilishirikiana kuendesha kambi ya matibabu bure. Huduma zilizotajwa ni:

Upimaji wa saratani ya tezi dume
Upimaji wa utambuzi wa mabusha
Upimaji wa matatizo ya kibofu cha mkojo
Upimaji wa VVU na homa ya ini
Uchunguzi wa macho na utoaji wa miwani bure
Uchangiaji damu
Upimaji wa malaria
Upimaji wa saratani ya shingo ya kizazi

Mkurugenzi wa Hospitali ya Alexia, Dkt. Humphrey Gatimu, na Mkurugenzi wa Kairuki Hospital, Dkt. Muganyizi Kairuki, walikuwepo kushuhudia huduma hizo. Hospitali hizi mbili zina ushirikiano wa karibu.

Kwa nini kupima afya mapema ni muhimu

Magonjwa mengi, kama saratani, shinikizo la damu na kisukari, hayaonyeshi dalili mapema. Kupima mara kwa mara ndiyo njia bora ya kuyagundua yakiwa bado yanatibika. Kupitia Alexia Super Cup, mamia ya wananchi walipata huduma hizi bila kukatwa hata shilingi.